مادري شفيني هالايام كله مالي خلق وكله نايمه احس مو قاعده اسوي شي مفيد بحياتي وكله متضايقه ودي اسوي شي يديد بحياتي ودي اطلع و ودي اسافر وودي وودي بس كله يومين وارد امل مره ثانيه مادري شفيني صرت ملوله اشوا ان بدينا دراسه علشان الهى شويه ابي اشد حيلي هالسنه يقولون 11 ترفع النسبه وايد وانا محتاجه نسبه عاليه علشان انشالله ادخل الكليه الي ابيها تتوقعون اذا الواحد عنده طموح يسوي شي ويبي يوصله راح يوصل ويحقق الشي الي يببه كله احس اني ماراح اوصل حق الشي الي ابي معني عندي طمووووح كبير بس انشاالله اقدر احقق الي ابالي -------------------------------------------------------------------------------------------------------------- صايره افكر بشي وايد سلبي وحاطته ابالي والشي هاذا وايد غلط الي اهوا ان الريايل كلهم نفس الشي ماردهم للملل والخيانه ادري ان هالشي غلط وان ا صابعي مو سوا بس مادري شفيني جذي يمكن وايد اقرا عن هالشي و وايد اقرا روايات خايفه من مستقبلي وايد اخاف اتزوج وريلي يخوني او اي شي ثاني مايعجبني مادري شلون اطلع هالفكره من راسي عطوني حل ----------------------------------------------------------------------------------------------------------- سوري اذا اذيتكم بقرقتي بس احس ان البلوق اهوا الشي الوحيد الي اقدر اطلع في الي بقلبي |
Free Congiuntivo, che passione! Teoria e pratica per capire e usare il
congiuntivo in italiano Libro
-
*Gratis Congiuntivo, che passione! Teoria e pratica per capire e usare il
congiuntivo in italiano Pdf* - Io hanno fatto il lunedì facile per voi
avere u...
قبل 6 أعوام
السلام عليكم :)
ردحذفأولا: حياج الله ..هالموقع تكتبين مدوناتج فيه ووابد حو و ان شاءالله نشوف مشاركاتج..
ثانيا: الله يوفقج بدراستج و صدقيني ما تفرق 10 عن 11 عن 12 ..لا تقولين بدرس بس هالفصل عشان معدل.. انتِ من دخلتي الثانوية لازم تدرسين و تشدين حيلج بغض النظر عن أكثر معدل ياخذونه من كل مرحلة ، أعتقد هالسنة غشروا يعني ياخذون 10 % من عاشر 30 من 11 و 60 ب12 يعني شدي حيلج و لا تستهينين بشي و ان شاءالله تدشي الكلية اللي تبينها .
و بعدين سالف الزواج والخيانة شيليها من بالج لأن هالتفكير يسبب الهموم و الشيب لوول .. الللي يخونون الله يوريج فيهم و ما ردهم بيتوبون .. تو الناس عالزواج :P
مشكوره حنان على تعليقج وانشالله اشد حيلي بالثانويه واشيل هالفكره من بالي:)
ردحذفبنسبة للملل ..
ردحذفأنصحج تقرين كتب ممتعة أو تحاولين تخبصين بالمطبخ و تضحكين على نفسج و إلا سوي دقات باللي حواليج 100% بيروح الملل *_^
و بالنسبة للقلق الدراسي ..
أنا مريت قبلج بهالتجربة و كنت مسندرة راس أهلي بالبيت و كله أقول أنا إذا ما دخلت الجامعة ترى بيصير فيني شي ما أقدر أتصور نفسي إلا أني أروح الجامعة ..و أيام أصارح فيها رفيجاتي و أقول تهقون ندخل الجامعة؟! و إلا بيصير حالنا حال وايد بنات إمتياز و برابعة سقطوا..كان هالشي كله محير بالي لي درجة بين فترة و الثانية أطل بالمنظرة أخاف أكون شيبت لوووول..بس مع الدراسة و الدعاء و رضاالوالدين الحمد الله دخلت الجامعة و هاذي السنة الرابعة لي و إن شاء الله ..لا و حتى لمن دخلت الجامعة لي سنة2 و أنا أقول تهقون نكمل و انتخصص و إلا لأ؟! و كانا ما بقى شي على التخرج ..
و إن شاء الله يارب يكبر حظج و يوفقج و تصيرين احسن مني بعد و ماتحاتين ^_^ إن شاء الله طمنتج؟
و بالنسبة للريايل..
حكمة علمتني ياها أمي تعلمتها من دينا
الطيبون للطيبات و الطيبات للطيبين و خلاف ذلك بلاء واجب الصبر عليه و نصيب ..و عسى الله يرزقج بالزوج الصالح
و كلن يآخذ نصيبه بهالدنيا *_^
لا تفكرين بالمستقبل وايد ترى
مايتغير بالتفكير بالعمل بس يتغير
...في أمان الله...
مشكوره حبيبتي واييد عالنصايح الحلوه طمنتيني وايد و الله يوفقج انشالله :)
ردحذفهللو
ردحذفأختي ترا الرياييل مو كلهم نفس الشي، الله خلق وفرق وان شالله يكون مستقبلج وايد حلو، وتفائلوا بالخير تجدوه، لا تنجرفين ورا الروايات وايد وتصدقينها، والله يسهل امورج ان شالله..
طماشة
مشكور اخوي طماشه وايد ويوفقك انشالله
ردحذفالسلام..
ردحذفاول شي ابتعدي عن السلبيه بتفكيرج اهي شي عب بس لاهي عمرج..
وموفقه يارب..
شي 2 الرياييل والزواج بعدج غيره انسي هالسوالف الحين اهم شي دراستج عقب الثانوي يصير ومو كل رياييل مثل بعض لانه اذا جذي حتى احنا نفس بعض وهالشي مستحيل ..
مشكوره حبيبتي رورو الشخبوطه وانشالله ابعد هالشي عن بالي:)
ردحذف